Termino hori maiz erabiltzen dugu kuadrilan, “jozak paeta”. Zerbait kuriosoa eta ulertzeko sinplea ez denean batez ere. Atzo, nontzenberrikoekin antzeko zerbait gertatu zitzaidan, Nontzenflash lehiaketaren berri jakin nuen nean idatzi ostean.
Kontua da, Mundurat-eko posta nagusira beraien gonbitea bidali zigutela, prestatu duten lehiaketa baten berri emateko. Lehiaketaren xedea flash-en eginiko pelikula bat aurkeztea. Sariak, mamitsuak. Baina nik hauek etxean lasai lasai ikusteko arazotxo bat izango dut: Flash.
Flash Macromedia Adobe enpresaren fitxategi formatu bat da, aurkezpenak, webguneak, jokukak eta beste hainbat egiteko aukera du. Denok ezagutzen dugu Flash, baina ezin denak erabili.
Adoberen Linux-erako inplementazioa itxia da, ez dabil arkitektura guztietan. Gainera inplementazio hori guztiz debekatua dago Solaris eta *BSD banaketetan banatzea edo erabiltzea. Dauden inplementazio libreak (Gnash, swfdec) ez dira kapaz oraindik Flash-eko azken bertsioak egiten dituzten hainbat gauza egiteko, beraz ez didate balio gehiegi (erabiltzen ditudan arren). Baina hau ez da kuriosoena niretzat. Flash estandar bat da, eta honen tripak publikoak dira, alegia, Adoberen webgunetik jaitsi daiteke Flash-en fitxategien espezifikazioa. Hau nahikoa litzateke inplementazio libre bat egiteko, baina ezin da. Espezifikazioarekin bat, klausula bat dator eta honek argi dio ezin dela espezifikazio hori erabili tresna libreak garatzeko.
Etxean ez dut beraien plugin-a erabiltzen, itxia delako, eta honek ekarri ditzazkeen arazoak handiak direlako (segurtasuna adibidez). Bidali ziguten postan, esteka bat dago webgune batera, non oinarriak ikusteko/jaisteko aukera dagoen. Flash-en dago. Beraz, ikusi ezin nuenez, honakoa idatzi nien pixkat ziztatu nahian (gezur ttikiren bat botaz :P):
Kaixo,
Webgunera sartu naiz oinarriak lortzeko asmoz, baina gunea FLASHekin eginda dagoenez, ezin izan ditut lortu. Nire sistema eragile librean oraindik ezin ditut zenbait Flash fitxategi ikusi dauden inplementazio libreak oraindik nahiko garatuak ez daudelako eta Macromediaren plugina librea ez izateaz gain nire sistema eragilerako banatzea eta erabiltzea guztiz debekatua dagoelako.
Hortaz, eskertuko nizueke oinarrien berri ematerik baduzue posta bidez.
Mila esker
Nire intentzioa pixkat ziztatzea bazen ere, ni izan nitzen ziztatua:
Hortxe doaz, Mikel. Zalantzarik izanez gero, idatzi edo deitu lasai
Eranskinak: oinarriak.doc
Orain .doc formatua librea ez dela idazten diet?
Motxean, mikel, jozak paeta.
