Kategoriaren artxiboa: Jozak Paeta

EHUn izena eman nahiean

EHUn izena eman nahiean nabil postgradu batean. Erabiltzaile eta pasahitzak sartu ostean datu gehiago eskatu dizkit eta hauen artean posta helbidea. Nire helbidea sartu eta “Helbide elektronikoaren formatua ez da zuzena” dioen mezu zoragarri batekin erantzun dit. Nire eposta ez da zuzena?

JavaScript kodea begiratzen hasi naiz eta hauxe topatu det:

function validarEmail(valor) {
     if (/^\w+([\.-]?\w+)*@\w+([\.-]?\w+)*(\.\w{2,3})+$/.test(valor)) {
        return (true)
     }
     else {
        return (false);
     }
   }

Regexp-arekin borrokatu nahi ez duenarentzat laburpena: posta helbidearen domeinuaren TLDak 2 edo 3 hizki izan ditzazke asko jota. Ondorioz .info, .mobi, .coop, .museum, .aero, .asia, .travel edo .jobs TLDak ez dira onartzen. Noizbait .eus lortuz gero honekin izena eman ahalko dudala jakinda lasaiago geratze naiz.

Arazoak firewall-arekin

Mexiko-n nabil egunotan eta CTC deitzen dioten egoitza batean pasatzen ditut orduak trenak espiatzen. Sare berezi bat dugu gela hontan beste ordenagailuetatik kanpo. Kanpora irteteko FortiGate 60B router bat, firewall eta guzti. Firewall honek hainbat helbide mozten ditu, batzuk kriterio onekin (twitter, facebook, tuenti, marca) eta beste batzuk ez (librezale, musikherria). Kuriosoa egiten zait adibidez Librezale Advocacy Organizations” etiketapean egotea eta Mundurat adibidez libre egotea. Baina gaur frogak egiten gauza kurioso bat topatu det. Jozak paeta.

fortigate

Telefonikaren datu okerrak

2000. urtean sartu zen etxean ADSLa. Badira urte batzuk. Gaur 2gb-ko programatxo bat jaisten jarri naiz deskarga zuzenean 1mbps-ko konexioarekin eta ia etsi egin det zai. Noizbait telefonikak (lehen terra-rekin neukan baino tira, konpainiaz aldatu zidaten IP finkoa mantenduz) 3mbps-ra salto egingo zuela entzuna nuen. Webgunera sartu, etxeko telefonoa sartu formularioan informazio bila eta to:

Orain arte txalapartarekin komunikatze al nintzen ba!?

BIOSa, Windows eta ingeneru baten kezkak

Maiz entzun eta egin ditut ingeniari informatikoen eta hauen karrera/ezagutzen inguruko komentarioak. Badakit Windows bat instalatzen ez dela erakusten eta GNU/Linux banaketa bat ere nola jarri ez dela ikasketa hoietarako materiala, baina batzutan hainbat urte ikasten pasa ostean baten batek egin ditzazkeen galderak izugarriak dira. Elkarrizketa hau larunbateko arratsaldeko 5etan gertatu zen, lo kuluxka bat botatzen nebilela (Elorrioko festetatik bueltan, etxera 1.30tan iritxi ostean):

– Bai?</ultratunba>
– Esnatu indit? Barka zak
– Ez, lasai, esnatu inbernin ordu hontan bestelare. Ze, zesatek?
– Bi gauza zezkat
– Hasi aurrenetik ba!
– Eztek eukiko eskura Windows XPn CD bat eskura ez?
– Puf, ba uantxe ideiaik ez… beitu inberko nike…
– Kontua dek anaiai ordenadoria ekarri ziotekela eta Vista zekak ta nik eztit nahi
– Ba esandakua, beitu inberko nike…
– Nik berez bazekat, baƱo etziak iten. Hori berez CDa sartu, ordenadoria piztu ta inberkolike ez?
– Ba BIOSian CDtik abiaratzeko esate bayok, bai.
– Ajam. Ta hori nola itek?
– mmm, adarra jotzen ai aiz ez?
– Ez.
– Hi, seriyo, uantxe esnatu diakela, benetan ai haiz hori galdezka?!
– Bai. Ze klaro, nola sartze nauk, pantaila etziak eta rekonoziuko…
– Hi… broma dek ez?
– Keba keba, windows ezpazekat instalatuta nola rekonoziuko ziakpa pantaila?!

Azkenean azalpen erdi tekniko bat eman zerbait uler zezan eta bigarren kontua komentatu ostean tabernara omen zihoan, kuadrilakoen bila. Tabernara iritxi eta aurreneko galdera: “nola sartzek BIOSea?”. Kuadrila erdiya zur da lur. Eta elkarrizketa komentatu ta gero geyo…

Betiko kontua, karreran horrelako gauzak eztia erakusten. Bale, ados, ondo. Baina 5 urteko karrera baten horrelako gauzengatik interes minimoa eduki beharko da ez? Gero batzuk intrusismo laboralaz kexatuko dira…

Google-ek enau ezagutzen

Google-ek enau “ezagutzen” eta ondorioz goiz guztian egiten nituen bilaketak birus batek edo spyware aplikazio batek egiten dituen bilaketak eginak diruditela esaten ibili zait. Nik!? Nik ez ditut horrelako bilaketak egiten eta…

Lehen aldiz gertatu zaidanean enuen sinisten. Microsoft-ek atera duen tafiti bilatzailea frogatu nahi nuen (Silverlight-ekin egindakoa, plugina beharrezkoa), eta bilaketaren emaitza irudikoa izan da.

Tafiti eta google

Konpetentziari blokeatzen ibiliko ote ziren pentsatu det hasieran, baina gero bilaketa gehiagorekin berdina gertatu zait. Agertzen diren klabe hoiek hainbat aldiz jarri eta hainbat orduren ostean lortu det normaltasunez erabiltzea. Baina, zer dela eta arazo hau? Orokorra izan da ala nire bilaketak arraroegiak dira?

Orain errusiarrak omen dira, ez polakoak

Maiz entzun det katalanieraz mintzo direnei ‘polako’ deitzen zaiela. Parrandaren batean ere azaldu zidaten honen nondik norakoa, baina enaiz oroitzen. Baina gaur, egunero erabiltzen dudan aplikazio baten aldaketak honakoa topatu det eta grazia egin dit.

2007-08-02  Jordi Mas <jmas at softcatala dot org>

        * ca/ca.po: Added Russian translation by Joan Duran
        * ca/figures: screenshots
        * Makefile.am: Added ca to DOC_LINGUAS.

Kontxo kontxo. Orain polakoak izan beharrean errusiarrak izango ote dira? Beno, eskerrak zuzenketa egiteko denbora gutxi behar izan zuten.

Eusko Jaurlaritzak esana: Martzo

Eusko Jaurlaritzatik gutun bat jaso berri det errenta egiteko 10T papertxoarekin. Hasieran harritu egin naiz enuelako oroitzen zer demontregatik ordainduko ote zidan gure Jaurlaritzak, baina gero jauzi naiz (ez dut esango zergatik, garrantzitsua ez delako :P). Gutun-papera irakutzen nengoela, ttak, hantxe, behean, ia izkutuan, inork begiratuko ote ez duen toki batean data bat: 2007-ko MARTZOAren 27. Agian Zarautzen ez baina nonbait erabiltzen dute marTZo hitza… laguntzen topatuko? (Euskalterm eta 3000 Hiztegiak ez didate lagundu). Eta honetaz gain, orokorrean… 2007-ko? 27?…

Eusko Jaurlaritzako 10T papera

Nontzenflash 2007 lehiaketa: jozak paeta (ziztatzaile ziztatua)

Termino hori maiz erabiltzen dugu kuadrilan, “jozak paeta”. Zerbait kuriosoa eta ulertzeko sinplea ez denean batez ere. Atzo, nontzenberrikoekin antzeko zerbait gertatu zitzaidan, Nontzenflash lehiaketaren berri jakin nuen nean idatzi ostean.

Kontua da, Mundurat-eko posta nagusira beraien gonbitea bidali zigutela, prestatu duten lehiaketa baten berri emateko. Lehiaketaren xedea flash-en eginiko pelikula bat aurkeztea. Sariak, mamitsuak. Baina nik hauek etxean lasai lasai ikusteko arazotxo bat izango dut: Flash. Jarraitu Nontzenflash 2007 lehiaketa: jozak paeta (ziztatzaile ziztatua) irakurtzen