Hileko artxiboak: uztaila 2007

Orokorra

Bizitza “berria”

5 iruzkin

Ze berri galderari maiz zaharrak berri erantzundakoa naiz, baina datozen egunotan erantzun komodin hau baliogabe geratuko zait. Gaur sinatu det azken 9 hileotan nere lantokia izan den Gara egunkarian finikitoa. Ez da xamurra izan eta batek baino gehiagok egin dit parre neskarekin moztea bezala definitu dudanean. Ixilik sartu nintzen urriko 23 eguzkitsu batean fondoko bulego batera eta makina bat lagunekin irten naiz gaurkoan, nahi baino ixilago, eztarriko korapiloa medio.

Epe luze hontan hainbat proiekturi eutsi behar izan diot eta makina bat gauza ikastea tokatu zait: Gara berria, Gaur8 proiektu “osoa”, hauteskundeak, zerbitzari guztien berrantolaketa (solaris gaxua :P), swish-e (gora title-ak!), barra-barra zer den, Jeffrey jainkoari nola gurtu, edozein apostu tonto egin makinako txokolateak ordaindu edo irabazteko, kakahueteekin batek lan gustorago egiten duela, zuzendariari bazilatzeak bere bueltako ekintza duela, pasahitz arraroekin parrez lehertu gaitezkeela, MacMini batean Windows jarrita enaizela apo bat bihurtzen ikusi (ia bi aldiz frogatua!), AEBko hauteskundeetarako hautagaiaen zerrenda buruz, D’Hont-en legean master bat atera (eta gero ez ondo aplikatu!), log-ak rotatzea zein garrantzizkoa den ikusi, azafata bat dela guri mutu geratzeko armarik onena… eta honela beste zilloi bat gauza.

Bihartik aurrera beste lantoki batean hasi beharko naiz hutsetik eta Gara proiektuan kolaboratzaile moduan jarraituko det (Gaur8ko artikuluak gutxienez). Orain tokira moldatu (Elorrio, Bizkaia), lankide berriak ezagutu, enpresak nola funtzionatzen duen irudikatu (Bull + Eroski) eta nere esku artean ibiliko diren zerbitzariak zenbat lan emango didaten imaginatu (IA64 + RHEL + Oracle + …). Gainera bizitzeko gelatxo bat ere topatu behar det egunero kotxez 120km ekiditu ahal izateko… ea ez dudan gehiegi erotu behar zerbait topatzen.

Mila esker azken 9 hile hauetan egunero zombie baten moduan agertu arren laneguna alaitu didazuenei.

Mila esker aukera hau egin aurretik lagundu didazuenei, batez ere pizza batez gozatzeko aukera izan zenutenei 😉

Orokorra

“Festa” bai, borroka ere bai!

Utzi iruzkina

Maiz entzun det lelo hau eta ala behar du. Festa borroka eginez eta borrokan festa eginez ahal denean gauzak hobe egiten direlako. Egunotan “Euskal Encounter“-ean nabil, hau da, informatikarien “festa” batean. Gehiago esanda, lehen “encounter” beharrean zuzenean “party” zen, hau da, “euskal party”.

Ba batzuk goian aipatutako leloa ongi ikasia dute eta euskal-era ere borrokara etorri dira

aht stop!

AHT STOP!

Teknologia

Dell eta teklatu berria

Utzi iruzkina

Maiz entzun behar izan ditut hainbat enpresen zerbitzu teknikoen inguruko kexak: bidalitako portatilaren ordez beste bat itzuli, hilabete t’erdi disko gogor bat aldatzeko, konpondutakoa konpondu ez eta 2 asteren ostean eta etxera itzuli… (kasualitatea, oraintxe bururatzen zaizkidan 3 kasuak ACER markakoak dira…)

Bildurra besterik ematen ez duten kontu hauek ekiditeko ‘konfidantzazko’ marka batena jo dut oraingoan ere. 4 urte t’erdiz Dell portatil bat ibili ostean (Inspiron 8200), otsailean berria erosi nuen (Latitude D820). Marka mordoa egon nintzen begiratzen, baina inork ez zidan konfidantza handiegirik ematen eta aurreko esperientzian oinarrituta, beste Dell-a erosi nuen. Oraingoz asmatu dudala dirudi.

Aurrekoan teklatua arraro zebilen: ‘y’ sakatzean ‘t’ bat idazten zuen, ‘shift’ edo bloq ‘mayus’ sakatzean ere ‘t’ bat idazten zidan eta guztiz onena zena, ezabatzerakoan hainbat aldiz sakatu behar nuen tekla bakarra ezabatzeko. Hasiera batean 2.6.22 kernel berria jartzeari bota nion errua, baina 2.6.20ra itzultzean berriz gaizki zebilela ikustean programaren batena behar zuela pentsatu nuen. 3-4 egunez estresatu ostean, Windows-en egin nuen froga eta berdin. Azkenik, badaezpada, GRUB-ean frogatu nuen txorakeriak idazten lerro berri batean eta baita ere BIOS-eko pasahitza sartzerakoan. Kaka. Ez da sistema eragileen arazoa. Teklatua izorratu da.

Hori guztia igandean egin nuen. Dell-en webgunera jo eta bertan zerbitzu teknikoa astelenetik ostiralera dela ikusi ostean, astelenean lanera eraman nuen portatila, bertatik deitzeko. 12ak aldera, txokolatearen ostean, deitu egin nuen. Lehen saiakeran 5 bat minutu telefonoan egon ostean kolgatu egin zidaten. Ezin hitzekin adierazi… askori tokatu zaigu hori…

Bigarren saiakeran zorte hobea. Neska jator batek hartu zidan eta datuak eman ostean, berehala esan zidan zer egin: portatila ‘desmontatu’ eta teklatua kendu eta berriz jarri. Lankide baten laguntzaz, umore dosi handiz eta pazientzia karroka batez armatuta (destorniladoreaz gain, noski), asmatu genuen teklatua kendu eta berriz jartzen. Froga egin. Kaka.

Neskak zuzenean, froga egin aurretik badaezpada betetzen zebilen teklatu berria bidaltzeko tramitazioa. Berdin jarraitzen zuenez UPS bidez bidaliko zidala komentatu zidan. Komentatu eta egin.

nondik.jpg

24 ordu baino gutxiagoan teklatu berria etxean!

Frogak egin ditut eta ondo dabil, eta espero horrela jarraitzea, behintzat blogeko sarrera hau ez ezabatzeko. A ze poza! Ostegunean Euskal Encounter-era noa eta badakit behintzat ez ditudala madarikazioak botako teklatuaren erruz 5 egunez!

teklatu_berriya.jpg

Teklatu berriaren iruditxoa. Windows-en logo madarikatu hori zatarragoa da oraingoan! Baina tira, portatiletako teklatu orok behar duen gauzarik garrantzitsuena du: klitoria!

Teknologia

Mikroformatuak: informazio handia

3 iruzkin

Web-2.0 kontzeptua zirrara handirik sortzen ez didan zerbait da. Maiz esan det kontzeptu horren atzean berrikuntza erraldoiak egon beharrean diru kopuru handiak mugitzeko kea besterik ez dela. Baina teknologoa etengabian aurrera doan hontan web-2.0 kontzeptuari lotutako berrikuntza batzuk benetan interesgarriak iruditzen zaizkit.

Berrikuntza hauetako bat mikroformatuak dira. Teketen-ek bere blogean eman zuen honen berri, beraz ez naiz errepikatuko. Azkenaldian lanean ere erabiltzen hasiak gara, Gaur8 proiektuan (rel-tag eta xFolk nagusiki). Oraindik asko dago egiteko eta asko daukagu mikroformatuetara pasatzeko, baina apurka badoa gauza forma hartzen.

Nik hauen erabileraren inguruko bi kontutxo besterik ez ditut esateko: operator eta bildu operator bitartez erabiltzeko.

Operator Firefox-en extentsio bat mikroformatuekin lan egiteko eta gaur egun extentsio moduan erabiltzen dugun arren printzipioz udazken negu aldean kalera aterako duten Firefox-3an integratua egongo da edo beharko luke. Operator berak hainbat ekintza ezberdin ekartzen ditu eta mundu mailan gehien erabiltzen diren zerbitzuetara lotzen gaitu. Baina badu funtzionalitate hauek handiagotzeko aukera bat skript berriak jarriz.

Gaur8 eta mikroformatuak

Aukera hau erabiliz, bildu gunean tag-en araberako bilaketak egiteko aukera eta zuzenean artikuluak gordetzeko aukera ematen duten bi skript txiki moldatu ditut.

Script hauek operator-en lizentzia berarekin banatzen dira. Frogatu, moldatu eta komentatu 🙂