Astelehena. Goizeko 9:44, Zarautz, Munipen alboko kalean behera maleta bat eta maletin txiki batekin txinga moduan hortxe doa azken 3 egun hauetan parrandan ibili den herritar “anonimo” bat. Batzuk festetako desfasak izerditan botatzea ona dela dioten arren, nik berriz, esnatzeko modu gogor bat edo zuzenean tortura bat dela pentsatzen det. Gutxienez, tren geltokiko nagusiak (edo itu kuttunak esango lukeen moduan “etxekoandreak”) trenari 30 segundu itxaron dezan eskatu dio eta hartzerik izan det. Eskerrak. Asteko lehen eguna eta dagoeneko korrika…

Azken hiru egun hauetan SKAPA-ko festetaz gozatzen ibili gara modu eroan. Herriko festak beharrean auzo bateko festak diren arren, hauexek dira benetan ‘herriko’ festak, herri lanez eginak (aupa komisiyo hori), herriarekin (aupa gu bezelako azken orduko bolondresak), herriarentzat (jarri hemen zure izena). Abuztuko jairik onenak pasa dira eta orain balorazioa egin behar (bai, onenak, dudik gabe, ereñozukuak ekainian diata).

Ostiralean, lanetik irten eta panorama kuriosoa: txoznetara joateko kuadrilako bi bakarrik… azalduko omen dira besteak tantaka. Lehen mojitoa negargarri sartzen zaigu… txoznako gazte hauek oraindik eztakite azukrea behian geratzen zaiola eta batikauari bezela astindu behar zaiola. Bigarrena aldiz ederra. Hortik aurrerakoak ezin hobeak. Lagun zaharrekin egon, gau giroaz gozatu, eta ahal den neurrian balantzak neurtu. Goizeko 5.30ak aldera gosea sartu ta hortxe tropeltxoa okindegira, txoznen ondoren festa giroaren bigarren puntu berora. Iritxi eta txundiren esaldi demoledorea: “ah, baño hemen bokailuak iteixkiye!?”. Ondo Txundi. Azken 6 urte hauetan nun demontre ibili haiz hi? 😉

Hurrengo egunean ajea pasatzeko eta marea goi-goian dagoela ikusiaz, piszinara. Bertan gure gorputz grekoak bota eta hantxe, eonian. Azken hau kirol arriskutsu bat den arren, oraindik badaukagu energia beste zerbaitetarako eta gure kuadrilak eduki dun pala partiduik interesantenetako bat jokatzeko aukera izan nun, goian esan bezela, aurreko egunekoak izerditan botatzeko. Bigarren partiduaren klimax-ean geundela ordua hartua zuten gazte bi etorri eta akabo egun hartako gure jolasak… baina orain buelta tokatzen da… izango da honen berri! (Urtzeialtarrak hormara!) Indar berritzeko Bordatxon afaritxoa, agobio pixkat beroz bustia, Arranon “etxeko” patxaranez amaitua. Hortik txoznetara, ta bertan, ttak: “bi berditugu arren erruki turno bat betetzeko”. Ezin ezetzik esan.

Txoznetako turnoak gustoko ditut. Nere kuadrilan agian oraindik bada honegatik kobratu egiten dela pentsatzen duen baten bat, baina guk zintzurra apur bat bustitzeko ematen diguten bitartean gustora. Sagarroi-en kontzertuan tokatu, eta ikusteko gogo handiak eduki arren barrutik abesten pasa behar ordu bi. Aurreko astean ere beste turno bat egin nuen Getarian (aupa familia!) eta egia esan ez dute antza askorik izan. Getarikoa “ritmikoa” eta lasaia izan bazen, larunbatekoa Garaten spinning klase famatu hoien moduko zerbait izan zen. Turnoan geundela katxi bat atera genuen edateko eta lehen 15 minututan trago pare bat eman bagenizkion arren, hurrengo ordubete hortxe egon behar izan zuen, kieto, bazter prexko batean, azkenportuar egarriek kastigatua. Hemendik nire gorroto eta pirrilera erraldoi baten desioa 12 zurito eskatzeko morala izan zun gizaseme horrentzat (s/giza/xxxx).

Eta azkenik, herri bazkaria. Kuadrilako 4 eta Zarautz t’erdi. Menuan ardo beltza eta patxarana nere albokoarentzat eta guretzat honetaz gain ensaladila, musa deitzen zioten zerbait eta oilasko izterra saltsan. Zerbait gutxi jan, sari banaketaz gozatu (aupa beatza showman), bertso duelo-pikian parre in, kontzertuak hasi bitartian deanbulatu patxaran bat eskuan deularik eta azkenik, egun argiz, kontzertuak auzoko plazan. MKT gazteak ondo. Txixaparrazta “klasikoak” ikearri. Kisap azkenportuar-balentziarrak hitzik gabe. A ze girua. Benetan ondo asmatua plazan egitea, eszenatoki txikiak giroa askoz gehiago berotzen du eta Aurum-ak aldiz euro batea izerdiyak preskatu (kalidad prezio daon garagardoik onena omen da… baina nik uste Eroski ta zarautzko gazte asanbladan arteko tratu ilun bat daola tarten).

Afari trixte baten ondoren bertso saiyo handira. A ze jende pilua. Berandu iritxitare, giruan sartzeko arazo gutxi. Saiyo ona eta iparralden “ah” ta “oh” berren “üh” iten dala ikasteko aukera. Eta ondoren, aldapa bera. 12:30tatik 3ta, 5 miñuturo” bo.. ni laixte etxea niek, biyar lana zekat” (eta 2 eguneko parranda, herri bazkai ta guzti). Eta oraintxe arte.

Laburpen saiakera moduan:

• Patxaranga hormara!
• Tabernak sutara!
• Hau da desgraziya II
• Pozte naiz gazte jende aktibua daola ikustian! (naizta batenbatek mojitua burutik bera botatzia merezi dun)
• Nere gonbite zintzerona neskakiko kontratua etxen utzita ateratzeko. Neska bai, parranda ere bai!
• Zozoak beleari ipurbeltz
• Julenx ta Rubiok akatuko naute pendiente dazkaten gauzak in ez izanagatik
• …

Astelehena. Goizeko 11k, Durangoko tren geltokia, Elorriora lanera bi ordu ta piku berandu (baimenarekin) doan baten kronika izan da hau. Espero gaur lanean gerra askorik ez ematea. Asteartean parranda gehiago. Ostiralean afaiya klasen ibilitako neska batzukin. Larunbaten Giri egun erraldoia (norberak jakingo du etorri daitekeen edo ez) eta igandian udarako pala partidua, apostu ta guzti. Abuztu gogorra.

This work is licensed under a Creative Commons Attribution-ShareAlike 4.0 International License.