2000. urtean sartu zen etxean ADSLa. Badira urte batzuk. Gaur 2gb-ko programatxo bat jaisten jarri naiz deskarga zuzenean 1mbps-ko konexioarekin eta ia etsi egin det zai. Noizbait telefonikak (lehen terra-rekin neukan baino tira, konpainiaz aldatu zidaten IP finkoa mantenduz) 3mbps-ra salto egingo zuela entzuna nuen. Webgunera sartu, etxeko telefonoa sartu formularioan informazio bila eta to:
Orain arte txalapartarekin komunikatze al nintzen ba!?
Gauza txikiekin pozten denetakoa naiz.
Ez dakit hau txikikeria den ala ez, baina ilusioa egin dit egunkari bateko portadan nire izena ikusteak (ezer txarrik egin gabe, noski). Gaurko GARA egunkariko lehen orrian agertzen da nire izena, Gaur8-rako idatzitako artikulua dela eta (oraindik ez dago eskuragarri online).
Amonari erakutsi diot txantxetan “amona, famatua naiz!” esaten nion bitartean. Berak aldiz “urte askoan izan dadila” erantzun dit irripar batez. Oraintxe eztakit zerk egin diten ilusio gehiago, egunkarian agertzeak ala amonaren irripar konplizeak.
