Badoala! swfdec-mozilla-rekin youtube ikusten 64bit-eko makina batetan! Froga:
Agertzen den bideoa, Zarautzeko munizipal jatorrak kotxe ofizialarekin tronpotan… lotsagarria… :/
Kategoriaren artxiboa: Teknologia
swfdec: Flash-i nazka galtzen?
Windows-ek batzutan zerbait ona badu, Flash bezelako teknologiaz gozatzeko/sufritzeko aukera izatea oso erraza delako da. GNU/Linux eta beste sistema eragile libreetako erabiltzaileak aldiz maiz arazoak izan ditzazkegu. Zergatik? Ba batzutan ideiarik ez…
Adobek planteatzen dizkugun arazoetaz kezkatzen ez den bat, bizkor eta korrika joango dira Adobe-k kaleratutako Flash-en plugin binarioak instalatzera, itsu itsuan. Baina zein da arazoa? Ba, lehenik eta behin, Adobek ez duela plugin-aren koderik ematen, beraz, fidatu egin beharko (NVidiak bere txatelen driverrekin egiten zuen bezela, eta gero 2 urtez segurtasun akats larri bat zegoela konturatzen gara…). Ematen dutena ez dabil plataforma guztietan, hau da, nire Core2duo berrian, 64biteko sistema honen gainean ezin dut modu erosoan jarri, baina ppc edo sparc arkitekturak dituztenek oraindik eta okerrago dute. Gainera, GNU/Linux-rako bakarrik dira, eta lizentziak argi usten du beste sistema batzutan ezin dela erabili, FreeBSD kasu.
Hau konpontzeko asmoz, komunitatea antolatu eta hainbat proiektu garatu dira. Hauen artean bi dira garrantzitsuenak, gnash, GNUk adoptatua, eta swfdec. Bi proiektu hauen arteko kolaborazioa aktiboa da, baina bakoitzak badu bere karakteristika, batzuk aipatzearren: gnash c++ lengoaian idatzia dago boost eta beste liburutegi batzuk erabiliz, eta swfdec aldiz c lengoaian, eta gtk+, cairo eta gutxi gehiago behar du.
Azken aldian swfdec-en garapena jarraitzen nabil, gnash-en aldean txukunagoa iruditzen zaidalako. Noizbait Youtube-ko bideoak ikusteko aukerarik izango ote genuen galdetzen nion nire buruari… ba bai, izango omen dugu, Benjamin Otte-k bere blogean aurrekoan iragarri zuen lortu duela, eta berarekin hitz egin ostean, aste hontan bertsio berria kaleratuko duela dio. Youtube-z gain, 64bit-era doazen makinetan erabili ahal izateko lanetan daukagu, beraz, primeran.
Berak lana amaitu bitartean, nik aspaldi Gentoo-n kolaboratu nuen bug-ari interes gehiago sortzen hari zaiola dirudi. Gainera Gentoo-ren gomendioak jarraituz, partxe txiki bat idatzi dut… ea onartzen didan 🙂 onartuta!
Baina beno, youtube-eko eta beste zenbait webgunetan ibiltzeko aukera izateak ez du esan nahiko Flash-i diodan ‘tirria’ galduko dudanik… Flash teknologia erabiltzen den guneen %99an gaizki inplementatua edo alfer alferrikoa delako.
FTP over TLS/SSL, FTPa ziurtatzen
Segurtasuna ez da ekintza bat, hauen multzo baten ondorioa baizik. Gaur burututako ekintza honakoa izan da: Mundurateko FTP zerbitzarira TLS/SSL bidez konektatu eta datuak guztiak pasetzeko aukera, hau da, zifratuak. Hau oso erabilgarria izan daiteke hainbat proiekturentzat, dauden tokietatik pasahitza lapurtzeko beldurrik gabe konektatu daitezen (wifi konexioak erabiltzean okupazio batean adibidez). Erabilitako tresnak: Debian, pure-ftpd, OpenSSL, Cacert.org
Nola eduki webguneak hainbat hizkuntzetan gettext erabiliz
Orain pare bat hile nire ‘webgunea‘ edo aurkezpen gunea sortu nuen, eta hainbat hizkuntzetan edukitzea bururatu zitzaidan. Hau egiteko hainbat bide daude, adibidez:
- Fitxategia hainbat hizkuntzetan eduki
- Fitxategiko testuak aldagai definitu moduan erabili
- Gettext erabili
Lehendabizikoa da proiektu txikientzat (eta hau horrela da) errexena, baina proiektu handietan edo aldaketa asko dauden tokietan, fitxategia behin da berriz aldatu beharra lan handia bihurtu daiteke. Bigarrena ere ez da batere zaila, baina behin erabili nuen eta primeran zebilen arren, nahiagoko nuke gehiago ez erabili. Beraz, azkena geratzen zait, eta ondorioz, nola dabilen ikasi beharra.
Jarraitu Nola eduki webguneak hainbat hizkuntzetan gettext erabiliz irakurtzen
Hal eta hal-info, mahaigaineko magia
Oraindik gogoratzen naiz Bartzelonan bizi nintzenean, pisukideari GNU/Linux instalatu nion egun hoietako batean, bere kexen ondorioz bilatzen hasi ostean HAL eta DBus topatu nituela. Bi pakete hauek dira neurri batean egun (gehienbat) GNOME mahaigainak hainbat programa/hardware-ren artean duen erlazioa ona izatearen erredunak.
DBus prozesuen arteko mezularitza sistema bat da (IPC). Beste modu batera esanda, programa batek besteei zerbait gertatu denaren seinaleak bidaltzen ditu. Adibidez pelikula bat ikusten hasi garela, eta ondorioz xagu eta teklatua ikutu gabe egon arren pantaila ez dela beltz jarri behar; edo USB disko gogor externo bat sartzean hau sartu dela esan eta ondorioz sistemak automatikoki automagikiko montatu behar duela.
Guzti hau burutzeko HAL ere beharrezkoa da. HAL hardwarearen abstrakzio kapa da, edo beste modu batean esanda, zer daukagun eta zer egiteko gai den azaltzen duen sistema. Adibidez piladun xagu bat badugu, ea xaguak pilen egoerari buruz informazioa eman dezakeen edo sartu dugun musika erreproduktorea zein motatakoa den eta nola tratatu behar duen.
Ba gaur eman du programa honek izango duen aldaketa garrantzitsu baten berri Richard Hughes garatzaileak. Hal zatitu egingo da eta ondorioz hal eta hal-info izango ditugu. Hal paketea programa izango da eta hal-info hardware guztia deskribatzen duten fitxategiak (.fdi). Hal-ek beti hal-info-rengan dependentzia izango du.
Banaketaren zergaitia erraz ulertzen da. Hal paketea motel garatzen da, eta noizean behin izaten dira honen kaleratzeak. Hardwarea aldiz etengabe aldatzen doa, eta batzutan hainbat gailuk ez dute HAL+DBus magia erabiltzeko aukera izango pakete osoaren bertsio berria irten arte (hilabeteak agian).
Banaketaren ondorioz Hal paketearen bertsio zahar batekin, hardware berria detektatu ahalko da. Honek izango dituen onuren artean aurkituko da adibidez Ubuntu edo Fedora Core bezelako banaketak 6 hilabetero izaten duten bertsio berrietan azken hardwarea erabiltzeko aukera izatea naiz eta Hal-ek bertsio berririk ez izan, edo banaketa estable batean pakete hau bakarrik eguneratuz hardware berria behar bezala erabiltzea (debian volatile erabiliz agian [debian-volatile-eta-posta-zerbitzariak]).
Berri ona beraz mahaigain libreak erabiltzen ditugunontzat!
echo nire laguna da
Echo tipo ixil bat da. Ez du hitzik egiten ezer ez bazaio esaten, baina zerbait esandakoan, segundu gutxitan erantzuten duen hoietakoa da. Gainera beti dago prest laguntzeko. Echo Rediris proiektuaren zerbitzuetako bat da. Posta bat bidali bezain pronto, posta berdinarekin erantzuten dizu.
Hau irakurrita burutik jota nagoela emango du (…), baina gaurkoa bezelako egunetan oso erabilgarria da. Gaur Mundurat Sareko zerbitzari berria prestatzen egon naiz (beste artikulo batean azalduko dudana), eta posta zerbitzaria ondo dabilela ziurtatzeko oso ondo etortzen da honelako zerbitzua. Alegia, lagun bati eskatu beharrean bidaltzeko zerbait eta ondo dagoen ikusi, edo norberak beste kontu bat eduki beharrean frogak egiteko, echo@rediris.es helbidera posta bat bidali eta kitto.
Hau izanda eguneko administrarientzako tonitrukoa 😉
Azeria Mundurat, estatistika purua.
Mozillakoek logotipoa aukeratu zutenean gugan pentsatzen ibili al ziren? Ezaguna da egun Mozilla Firefox web nabigatzailearen logotipoa munduari buelta ematen dion azeria dela (atzean geratu da firebird zeneko logoa nire burmuinean, wikipedian begirau behar izan det nolakoa zen jeje).
Azken egunotan, Mundurat proiektu osoko estatistikei begira, azeria osasunean dagoela ohartzen naiz. Hona hemen datu batzu.
Greylisting postgrey-ekin, spam-a ekiditen postfix-en…
… edo zergaitik behar dute postek hain beste denbora munduratera iristeko.
Laister beteko dira 2 urte Mundurat-en postgrey greylisting sistema ezarri nuenetik gure postfix posta sisteman. Enekien honi buruz ezer Nokia-ko sysadmin eta Debian-eko kide den lagun batek honetaz hitz egin zidan arte. Maiz azaldu behar izan det honen erabilpena (azken astean batezere, Librezaleren migraketa dela eta), eta batzutan ondo azaldu enaizelakoan geratzen naiz. Hau konpondu nahian hemen azalpena. Zer da greylisting-a eta zergatik iristen dira berandu postak Munduratera.
Jarraitu Greylisting postgrey-ekin, spam-a ekiditen postfix-en… irakurtzen
Blog-a mahigainetik kudeatzen, drivel
Aspaldi danik neukan drivel programaren berri, baina sekula ez dut frogatzeko modurik izan, blog bat falta zitzaidalako. Gaur ordea, blog-a badut, eta drivel instalatu ostean, hemen nabil artikulu hau idazten. Jarraitu Blog-a mahigainetik kudeatzen, drivel irakurtzen
Debian Volatile eta posta zerbitzariak
Debian denbora batez erabili izan duen edonork ondo daki duen gordailu/bertsio politika sistema: stable (egun sarge), testing (egun etch), unstable (beti sid) eta experimental (nahiz eta azken hau ez erabili normalean askok). Baina bada beste bat, volatile, eta nahiko interesgarria da gure Debian sistema establea bada eta posta zerbitzaritzat badugu.