Aurrekoan esan bezala, oparien artean NSLU2 bat dago, eta honi Debian jartzea da nire intentzioa. Larunbat gauez irten ez nintzelako (nahiko gauza arraroa), igande goiz guztia lan hau burutzeko daukat, beraz, ekin!

Lehenik eta behin honakoa behar dugu:

• NSLU2 bat 😉
• Internetera konexioa
• USB stick edo disko gogor bat. Stick-a erabiltzekotan >1gb izatea gomendagarria.
• SSH bezero bat

Ondoren pausu hauek jarraitu beharko ditugu:

• NSLU2-a konfiguratu nahi ditugun sareko datuekin, Debian-en instalatzaileak hauek erabiliko bait ditu. Egiaztatu interenetera konexioa duela. Gomendio bezela eskuz jarri sareko datuak DHCP bidez egin beharrean, nahazketarik egon ez dadin.
• slug-firmware.net gunetik gunetik Debian/NSLU2 firmwarea jaitsi (EULA onartu beharko da).
• Itzali NSLU2a eta kendu disk eta/edo stick guztiak. Sakatu eta honela mantendu atzeko reset botoia eta piztu. 10 segundu igaro ostean Ready/Status kolorez aldatuko da, une hontan utzi reset sakatzeari eta Ready/Status berde eta gorri modu intermitentean jarriko da. Orain NSLU2a upgradeatzeko moduan gaude.
• Exekutatu instalazio komandoa eta itxaron: upslug2 -i /tmp/di-nslu2.bin (web bidez ere egin daiteke baina… kontsolaz nahiago)
  
• Itxaron. Lehenik eta behin flasheatzen denbora bat behar delako, eta ondoren berrabiarazi egiten duelako makinatxoa. Beep-beep jator batekin esango digu prest dagoenean.
• SSH bidez sartu makinatxora: ssh installer@192.168.x.y
• NSLU2ak memori gutxi duenez instalatzaileak ezind itu modulo guztiak kargatu, berazk honakoak aukeratu: ext3-modules, partman-auto, partman-ext3, scsi-core-modules eta usb-storage-modules.
• Debian-en instalazio prozesu normal bat jarraitu. Konexioaren arabera gehiago edo gutxiago irango du, baina 2 ordutik gora luza daiteke.
• Kitto. Automatikoki berrabiaraziko da eta ondoren sartu ssh bidez eta hasi lasai erabiltzen apt-get 🙂

# uname -a
Linux NSLU2 2.6.18-4-ixp4xx #1 Tue Mar 27 18:01:56 BST 2007 armv5tel GNU/Linux

Orain hainbat erabilpen frogatu behar:

• p2p bezero mldonkey erabiliz
• Monitorizazio zerbitzari moduan: cacti, nagios…
• Kanpotik etxeko konexioa frogetarako erabiltzeko plataforma moduan
• Garapen zerbitzari moduan: svn, git…
• …

Erreza izan da benetan eta lehen inpresioa Debianpean oso ona izan da gainera, beraz, primeran!

Gipuzkoa Encounter-a amaitu da (bertakoak beste noizbait agian kontatu beharko nituzke), eta etxera bi oparirekin itzuli naiz. Gainera, ostiralean iritxi zen erosi nituen bi jostailutxo:

• Cisco 837 ADSL
• Qtek S200
• Linksys WAG54GS ADSL Router – AP
• Linksys NSLU2 NAS

Azken bien argazkitxoa

Aspalditik nebilen nire 3com 812 router zaharra (2000. urtean erosia, telefonikari, ADSL jarri genuenean etxean) prejubilatzeko asmoz. Ia 7 urte egon da 24 ordu piztuta eta oso arazo gutxi eman ditu (Mundurat Sarea sarera konektatua izan genuen honekin hainbat urtez); gogoratzen dudan bakarra udako 3 egun sargorietan sinkronizatu nahi izan eza ta gutxi gehiago. Konektibitate aldetik arazorik ez zuen arren, sarea 10 Mbps-ra jartzeko aukera bakarrik zuen, eta egun 10/100 izaten da ohizkoena, 1000 ia normaltzat jartzen ari den bitartean; abiadura hontan fitxategiak saretik pasatzea tortura moduko bat da. Hau konpontzeko D-Link-en 24 ahoko switch bat neukan, 10/100koa, DES-1024D modeloa, jatorri susmagarri batekoa (erabilia baina ongi dabilena), ebay-en 18 eurotan erosia (edo gutxiago?). Putzuzulo Gaztetxerako ere beste bat erosi genuen gainera. Eta beno, 2000. urtean Wifi-a zer zen oraindik enekien, eta routerrak gutxiago.

Etxean Wifia izateko, switch bat behar ez izateko eta beste pare bat erosotasun izateko router berria jarri dut. Linksys WAG54GS. Primeran dabil oraingoz, nahiz eta ostiralean tortura moduko bat izan zen ordu batzuez Telefonikaren konexioaren datuak lortzea (3com-ak datu batzuk ez zituen behar). Menuak askoz erosoak dira, eta aukerak ere handiagoak. Ez dut NAT egitean ataka bat zehazteko router-a berrabiarazi behar adibidez 🙂

Wifi-arentzat oraingoz WPA-PSK-TKIP, 13 kanalean eta ESSIDa erakutsi gabe (13. kanala zergatik beste batean :P). Aurrerago ikusiko dut WPA2 frogatu edo (honen inguruan irakurri beharko)… baina oraingoz nahikoa eta soberan. Portatil berriarekin (orain arte aipatu ere ez dudana) egongelatik lasai ibili nahiteke ta nahikoa horrekin (nik ez ditut baineran botata Doom-eko partidak botatzen aintzinan lagun batek egiten zuen moduan :P).

Orain sarea “ongi” muntatua dudala, NSLU2-arekin jolasean jarri beharko naiz. NSLU2-a Linksys-ek ateratako ‘mini ordenagailu’ moduko zerbait da, non disko gogorrak USB bidez jarrita sarean agertzen diren. Dena Web bidez kudeatu daiteke. Baina badu beste ahalmen berezi bat: Linux-en oinarritutako banaketa txiki bat dauka, eta modifikatu daiteke. Honi ezker hainbat proiektu garatu dira, eta ni hauetako bat frogatzera noa: Debian bat jarriko diot. Kontatuko ditut esperientziak 🙂

Beste opariei buruz, eskertzea besterik ez zait geratzen. Cisco-ren router-a oso ondo dago, kaja itxia eman didate, estreinatzeko. Interneten begiratuta prezioa ikustean atzera erori naiz: 300 eurotik gora. Etxean printzipioz ez dut jarriko router nagusi bezala, baina beti ere IOS-arekin trasteatzeko hor daukat 🙂

QTek S200-a aldiz nire Siemens M55 mitikoa jubilatzera dator denboraldi baterako. Mobila oso interesgarria: bluetooth, wifi b/g, kamera, USB konexioa… atzo frogatu nuen eta gehiegi esperimentatu ez dudan arren, oso itxura ona dauka, oso. Windows Mobile 5 darabil, eta honek agian pixkat ‘zikina’ sentituaraziko nau, baino tira… Siemens-arena ere ez zen askoz irekiagoa izango 😉

Eta hau esanda, nahikoa oraingoz 🙂 Hori bai, oraintxe konturatu naiz NSLU2-arekin etxean erabilgarri izango dudan 4. arkitektura izango dela: ia32, amd64, sparc eta arm 😀

Badoala! swfdec-mozilla-rekin youtube ikusten 64bit-eko makina batetan! Froga:

Agertzen den bideoa, Zarautzeko munizipal jatorrak kotxe ofizialarekin tronpotan… lotsagarria… :/

Gentoo-rako ebuild-ak, git errepositoriotik hartzen hemen.

Windows-ek batzutan zerbait ona badu, Flash bezelako teknologiaz gozatzeko/sufritzeko aukera izatea oso erraza delako da. GNU/Linux eta beste sistema eragile libreetako erabiltzaileak aldiz maiz arazoak izan ditzazkegu. Zergatik? Ba batzutan ideiarik ez…

Adobek planteatzen dizkugun arazoetaz kezkatzen ez den bat, bizkor eta korrika joango dira Adobe-k kaleratutako Flash-en plugin binarioak instalatzera, itsu itsuan. Baina zein da arazoa? Ba, lehenik eta behin, Adobek ez duela plugin-aren koderik ematen, beraz, fidatu egin beharko (NVidiak bere txatelen driverrekin egiten zuen bezela, eta gero 2 urtez segurtasun akats larri bat zegoela konturatzen gara…). Ematen dutena ez dabil plataforma guztietan, hau da, nire Core2duo berrian, 64biteko sistema honen gainean ezin dut modu erosoan jarri, baina ppc edo sparc arkitekturak dituztenek oraindik eta okerrago dute. Gainera, GNU/Linux-rako bakarrik dira, eta lizentziak argi usten du beste sistema batzutan ezin dela erabili, FreeBSD kasu.

Hau konpontzeko asmoz, komunitatea antolatu eta hainbat proiektu garatu dira. Hauen artean bi dira garrantzitsuenak, gnash, GNUk adoptatua, eta swfdec. Bi proiektu hauen arteko kolaborazioa aktiboa da, baina bakoitzak badu bere karakteristika, batzuk aipatzearren: gnash c++ lengoaian idatzia dago boost eta beste liburutegi batzuk erabiliz, eta swfdec aldiz c lengoaian, eta gtk+, cairo eta gutxi gehiago behar du.

Azken aldian swfdec-en garapena jarraitzen nabil, gnash-en aldean txukunagoa iruditzen zaidalako. Noizbait Youtube-ko bideoak ikusteko aukerarik izango ote genuen galdetzen nion nire buruari… ba bai, izango omen dugu, Benjamin Otte-k bere blogean aurrekoan iragarri zuen lortu duela, eta berarekin hitz egin ostean, aste hontan bertsio berria kaleratuko duela dio. Youtube-z gain, 64bit-era doazen makinetan erabili ahal izateko lanetan daukagu, beraz, primeran.

Berak lana amaitu bitartean, nik aspaldi Gentoo-n kolaboratu nuen bug-ari interes gehiago sortzen hari zaiola dirudi. Gainera Gentoo-ren gomendioak jarraituz, partxe txiki bat idatzi dut… ea onartzen didan 🙂 onartuta!

Baina beno, youtube-eko eta beste zenbait webgunetan ibiltzeko aukera izateak ez du esan nahiko Flash-i diodan ‘tirria’ galduko dudanik… Flash teknologia erabiltzen den guneen %99an gaizki inplementatua edo alfer alferrikoa delako.

Orain pare bat hile nire ‘webgunea‘ edo aurkezpen gunea sortu nuen, eta hainbat hizkuntzetan edukitzea bururatu zitzaidan. Hau egiteko hainbat bide daude, adibidez:

• Fitxategia hainbat hizkuntzetan eduki
• Fitxategiko testuak aldagai definitu moduan erabili
• Gettext erabili

Lehendabizikoa da proiektu txikientzat (eta hau horrela da) errexena, baina proiektu handietan edo aldaketa asko dauden tokietan, fitxategia behin da berriz aldatu beharra lan handia bihurtu daiteke. Bigarrena ere ez da batere zaila, baina behin erabili nuen eta primeran zebilen arren, nahiagoko nuke gehiago ez erabili. Beraz, azkena geratzen zait, eta ondorioz, nola dabilen ikasi beharra.

Jarraitu Nola eduki webguneak hainbat hizkuntzetan gettext erabiliz irakurtzen →