Etiketaren artxiboa: wikipedia

Orokorra

Euskal Wikipedia + gure zenbait eskola = bandalismoa

4 iruzkin

Nazkatuta naukate. Oso interesgarria da ikasleei wikipedia zer den erakustea. Oso interesgarria da jendeari tresna honek eskeintzen dizkigun ahalbide guztiak exploratu nahi izatea. Baina mesedez, maixuren batek hau irakurtzen badu, ikas ezazu nola dabilen ondo wikipedia zure ikasleek apurtzen dizkiguten artikulu guztiak zuzentzeko. </rant>

Kurtsoa hasi denetik dexente igo da artikulu baliogabeen kopurua (klasekideen izenekin adibidez) edo ausazko orri batean egindako aldaketa txororen bat. Ziur naiz badela eskola bat baina gehiago ekarpen baliagarriak egiten (atzo bertan tolosako goi mailako batzuk hasi ziren bezela), baina beraien haurrak kontrolpean ez dituzten hoiek lan baliagarriak suntsitzen dituztela ikusita ez dakit nora iritxiko garen. “Zortez” gure wikipedia txikia da eta kontrolatzeko erraza, baina honek lan bat suposatzen du eta berau ikasleen arduradunengan erori behar duela pentsatzen det.

Iaz Donostiako ikastetxe batera bidali nuen email bat iraskalearekin kontaktuan jartzeko asmoz eta gaur ia ia Zarauzko Antoniano ikastetxera deitzekotan egon naiz, bertakoak ibili direlako bazterrak nahasten eta oraintxe Bush eta Grezia-ren orriak aldatu dituzte beste eskola batetik. Hauekin kontaktuan jartzea lortuta ere, nor diren ez dakigun beste hainbat iraskaslerengana ere iritxi beharko genuke. Erakusteko prest gaude. Zerbait antolatu behar dugu maixu guztientzat? Tailerrak 2.0-n egin zen moduko zerbait baina beriziki irakasleei zuzendua?

Teknologia

Euskal Wikipedian mikroformatuak integratzen

6 iruzkin

Lehenik eta behin barkamena eskatu hainbat artikulu hankaz gora jartzeagatik eta oraindik zuzendu ez izatenagatik aldaketen ondorioz.

Ia bi asteko lana izan da eta oraindik guztiz amaitua utzi ez dudan arren, Euskal Wikipedian ditugun hainbat artikulutan ‘geo’ mikroformatua agertuko da txantiloietan egin diren aldaketen ondorioz (hCard ere, baina hau oraingoz ez da oso erabilgarria). Hau da, artikulua duten hainbat herri, hiri, mendi, herrialde edo eraikinek koordenatuak jarrita bazituzten lehendik, orain printzipioz koordenatuez gain datu hauek mikroformatuen bidez identifika ditzazkete Google, MSN eta antzeko bilatzaileek eta baita gu geuk Firefox-en Operator gehigarria ipiniaz adibidez.

Eguneraketa: orain gainera goikaldean agertzen den munduatxoari klik eginda WikiMiniAtlas-a agertzen da. Oraingoz froga moduan jarri dugu (esker mila TXiKi) eta inori arazorik ematen ez badio zerbitzari mailan aktibatzeko eskatuko da (orain gure aldean dago jarrita eta eguneraketak eskuz egin beharko lirateke javascript kodean).

Mikroformatuak erabiltzea orain oso errexa da Koord izena duen txantiloia erabiliaz. Oraingoz dokumentazioa nahiko kaxkarra dela badakit baina adibideak ikusita, nola dabilen nahiko argi ikusten dela pentsatu nahi det. Egun genituen hainbat txantiloietan (EHko mendiak, Udalerriak, …) koor url eta koor title erabili beharrean zuzenean Koord txantiloia erabilita modu errexago eta garbiago batean berdina lortzeaz gain funtzionalitate gehiago lortzen ditugu!

Adibide moduan:

zarautz2.jpg

WikiMiniAtlas-a aktibatua eta Operator-en Geo mikroformatua detektatua.

 

hiruerrege2.jpg

Euskal Herriko zenbait mendik ere badute koordenatuen informazioa.

 

atotxa2.jpg

Baita eraikin batzuk ere!

Oraindik lan asko falta da (dokumentazioa txukundu, azken txantiloiak migratu, datuak ondo daudela ziurtatu…), beraz, edonork arazorik ikusiko balu, eskertuko nioke nire lankide eztabaida orrian idatziko balit!