Mikel-(r)en bidalketa guztiak

Orokorra, Teknologia

RHCE naiz!

Utzi iruzkina

Astebetez Madrilgo beroak jasaten ibili ostean, RHCE agiria lortu det, “crown jewel of Linux certifications” izenez ere ezagutua. Red Hat ez da inondik ere nire banaketa gustokoena, Gentoo eta Debian nahiago ditudalako, baina lan kontuetan ez da beste erreferenterik kasi.

Azterketa ez da zaila; 3.5 ordutan burutu beharrekoa eta dena kontrolpean izanda azken ordu erdia libre ‘soberan’ dago kasi. Urteetan GNU/Linux erabili duten administrarientzat azterketa xinplea da baina badira SELinux bezelako kontu batzuk egunerokotasunean oraindik ikutzen ez direlako pixkat arrotzak egiten zaizkigunak.

Norbait noizbait animatzen bada eta kezkarik  badu edo kuriositate morbosoa soilik, nire experientzia gustora kontatuko nioke. Ezin azterketaren ingurukoak idatzi, konfidentzialtasun klausula bat sinatu behar delako (flipaus!).

Ea orain honi esker lan kontuak hobetzen diren!

Orokorra

Musika partekatzen sare lokalean DAAP erabiliaz

Utzi iruzkina

Etxean Debian darabilen zerbitzari txiki bat det, oso kontsumo baxukoa (Via C7 bat), ta bizpairu makina handixeago gauza ezberdiñetarako.  Zerbitzaria laborategi txikia izateaz gain p2p bezero bezala erabiltzen det mldonkey zerbitzaria erabiliaz eta honekin jaitsitakoak beste makinetan irekitzen ditut. Jaitsitako diskoak zein ripeatutako KDak batetik bestera kopiatzen ibili beharrean ‘zentralizatua’ edukitzea bururatu zait eta hauek samba/NFS bidez partekatu beharrean hortik barrena bilatzen hasita irtenbide hobea topatu det: DAAP.

Protokolo hau Apple-ek iTunes 4.0 bertsioan kaleratu zuen eta sare lokalean inolako konfiguraziorik gabe musika partekatzeko balio du. Horretarako Zeroconf teknologia erabiltzen du, sare lokaleko makinetan zerbitzuak iragartzeko IPa zein den axola gabe adibidez. GNU/Linux makinetan teknologia hau Avahi izena duen aplikazio baten bitartez erabiltzen da, Windows-en aldiz Bonjour deituriko aplikazioa dago.

DAAP zerbitzaria montatzea uste baino errezagoa izan da, Debianen behintzat. Nahikoa da zerbitzarian honakoa idatzi eta kitto.

# apt-get install mt-daapd

Honek mt-daapd zerbitzaria instalatzeaz gain avahi ere instalatu eta abiaraziko du. mt-daapd aplikazioak, orain Firefly Media Server izenpean ezagutzen denak, konfigurazio fitxategi xinple eta bakarra dakar

/etc/mt-daapd.conf

Eta baita webgune interfaze eroso bat http://zerbitzaria:3689 helbidean. Nahikoa da webgune bidez edo aipatutako fitxategian gure audio fitxategiak non dauden esan

mp3_dir = /home/media/music

eta gorde ostean zerbitzua berrabiaraztea.

# /etc/init.d/mt-daapd restart

Hau egin ostean iTunes irekita eta Bonjour aktibatua badago (lehenetsia da horrela) elkarbanatutako audio fitxategiak agertuko dira. Berdina gertatuko zaigu rhythmbox aplikazioarekin adibidez, beti ere DAAP euskarria gaituta badauka pluginen artean.

itunes-daapd
iTunes 8.0.2 Debianen mt-daapd erabiliaz partekatutako audio fitxategi batzuk erakusten

Arazo bakarra parteketutako abestiak ezin ditudala iTunes bidez nere iTouch-era pasa, baina posible det rhythmbox-ekin nere iPod Mini zarrera pasa. Honek esan nahi du GNU/Linux-ek jailbreak gabe dauden iTouch-en sistema desfrizatzea lortzen denean lasai asko kopiatu ahalko ditudala abestiak, bitartean itxarotea besterik ez daukat. IRCan topatu nuen garatzaile baten hitzetan hilabete bat edo bi, ea egia den! Apple-eko abokatuek Ipod Hash proiektua DMCA takedown agindu batekin itxi ez balute agian aspaldi lortua genuen…

Teknologia

Liferea-n GeoRSS euskarria gehituta!

3 iruzkin

Liferea RSS eta Atom jarioak irakurtzeko aplikazio oso erabilgarria da. Zenbait aukera aipatzearren berriek dituzten iruzkinak kargatzeaz gain (meneame-ko flame-ak eta kazeta.info-ko iruzkinak irakurtzeko adibidez),  gehiegi erabiltzen ez dudan Google Reader-ekin sinkronizatzeko aukera ere baduen tresna da, lanean beti abiarazia dudana, munduan eta inguruan zer den eta zertan gabiltzan jakiteko balio didana.

Behin lanean aspertuta, GeoRSS euskarria zuten jarioetan mapatxo bat erakustea zein zaila izango zen bururatu zitzaidan, eta nire C ezagupen urriak, xslt okerragoak eta garatzaile nagusien pazientzia tonatxo batekin lortu dut eta dagoeneko kaleratu dute feature hau dakarren 1.5.11 bertsioa (ala ere datozen egunetan irtengo den 1.5.12ak euskarri hobea du).

liferea-final1

Liferea-1.5.12 bertsioan Meneame-ko berri bat erakusten

liferea-final2

Liferea-1.5.12 tagzaniako jario geolokalizatu bat erakusten

Hasieran Google Maps zerbitzua erabiltzen hasi nintzen, baina azkenean nahiago izan det OpenStreetMap erabiltzea, bestea bezain osoa izan ez arren librea, gakorik behar ez duena, denona eta denontzat delako!!! Beraz, berria gertatu aurretik hasi herriko mapa txukun usten! 😉

Teknologia

“Askatasun” digitala

Iruzkin 1

Askatasun digitala diot, baina gaurkoan ez naiz GPL, LPGL, BSD, Apache, Affero, CC eta antzerakoez mintzatuko.

Gaurkoan idatziko dudana hainbat hilabeteetan egon da horrelaxe, duen “arazoarekin”, baina oraindik ez dirala konturatu dirudi. Tira, denok egiten ditugu akatsak programatzerakoan, estatistika hutsa da eta adibide bezela hor daude nire proiektu guztiak, ziur dexente topatzeko aukera izango dela. Baina honek grazia egiten dit, hack txiki bat iruditze zaidalako… ze nork imaginatuko luke libertaddigital atari kuttunean…

… herriko munipak tronpoak egiten ikusiko nituenik!
… Su Ta Gar-en jarraitzaileak zirenik!
… adierazpen askatasunaren alde Hitz Egingo zutenik!
… euskal selekzioen alde egingo zutenik!

Tira… eta horrela youtubeko bideo guztiak ikusi arte ;P

Teknologia

Python-2.3 AIX-5.2 bertsioan instalatzen

Iruzkin 1

Laneko proiektu baten ondorioz python behar dut zenbait AIX makinetan. Lehen frogak AIX-5.2 bertsio baten gainean egin ditut eta ondo joan zaizkit. Nola instalatu idatziko det nonbait apuntatzeagatike ta beste batzuei bizitza errazagoa edo egitekotan.

Lehenik eta behin python-ek dituen zenbait dependentzi lortu behar ditugu:

$ wget ftp://ftp.software.ibm.com/aix/freeSoftware/aixtoolbox/RPMS/ppc/db/db-3.3.11-4.aix5.1.ppc.rpm
$ wget ftp://ftp.software.ibm.com/aix/freeSoftware/aixtoolbox/RPMS/ppc/readline/readline-4.3-2.aix5.1.ppc.rpm
$ wget ftp://ftp.software.ibm.com/aix/freeSoftware/aixtoolbox/RPMS/ppc/gdbm/gdbm-1.8.3-2.aix5.1.ppc.rpm
$ wget http://www.oss4aix.org/download/latest/aix52/openssl-0.9.8i-1.aix5.1.ppc.rpm

Ondoren hauek instalatu rpm pakete kudeatzailea erabilita:

$ rpm -i db-3.3.11-4.aix5.1.ppc.rpm readline-4.3-2.aix5.1.ppc.rpm gdbm-1.8.3-2.aix5.1.ppc.rpm
# openssl-k agian arazoren bat eman dezake aurretik sisteman aurkituko delako.
# Kontutan izan 0.9.7 bertsiora linkatzen duten aplikazioak berkonpilatu beharko direla
$ rpm -i --force openssl-0.9.8i-1.aix5.1.ppc.rpm

Dependentzia guztiak sisteman ditugun unean python deskargatu eta instalatu besterik ez dago:

$ wget http://www.bullfreeware.com/download/wpar_tt/python-2.3.4-2.aix5.1.ppc.rpm
$ rpm -i python-2.3.4-2.aix5.1.ppc.rpm

Eta instalazioa frogatu nahi badugu nahikoa dugu adibidez froga.py fitxategi bat sortu eta kode honekin betetzea:

import os
for files in os.walk('/tmp'):
	print files

Exekutatu:

python froga.py

Eta kitto!

Mundurat, Teknologia

Clamav-en estatistika globalak aktibatzen

Utzi iruzkina

Pasa den azaroaren 3an Clamav antibirus famatuaren bertsio berri bat kaleratu zen. Nik uste clamav dela UNIX munduan dagoen antibirusik ezagunena eta mundurat-eko posta zerbitzarian primeran dabilkigu. Egia da ez duela lan gehiegirik birus eta phishing mezu gehienak DNSBL zerrenden eta Postgrey-ren bitartez deskartatuak direlako baina aurrekoekin filtratzen ez diren mezuentzat oso emaitza ematen digu (%100 esatea gehiegi izango da agian, phising kasuak nahiko zailak direlako atzematen, baina ez da urruti izango).

Debian Volatil proiektuari esker gure Debian Etch bertsiodun zerbitzarian azken bertsioa (0.94.1) instalatu berri dut. Ohikoak diren bugfix eta hobekuntzen artean zerbitzariak atzeman dituen birusen estatistikak zuzenean clamav-en gunera bidaltzeko aukera dago eta herrialde kode baten bitartez une oro eta herrialdekako birusen estatistika global bat sortu dezakete.

Aktibatzea oso erraza da eta nahikoa da bi fitxategitan lerro pare bat gehitu edo aldatza:

– /etc/clamav/freshclam.conf

# clamd.conf fitxategia non dagoen kokatua
SubmitDetectionStats /etc/clamav/clamd.conf
# zerbitzaria zein herrialdetan dagoen.
# ezarri ezean iana.org-en datubasean zerbitzariaren IPa nongoa den bilatzen saiatuko da
DetectionStatsCountry es

– /etc/clamav/clamd.conf

# log fitxategia non kokatua dagoen
LogFile /var/log/clamav/clamav.log
# log fitxategian detekzio datak gordetzeko
LogTime true

Gero eta jende gehiagok aktibatu gero eta hobeak izango dira estatistika ‘anonimo’ baina erreal hauek.

Orokorra

Lawrence Lessig Gasteizen

Iruzkin 1

Lawrence Lessig-ek Gasteizen hitzaldia eman behar zuela dozena bat tokitan irakurtzea posible izan da, baita hitzaldiaren kronikatxoa amaitu bezain pronto.

Gustora egon nintzan hitzaldian. Dena ulertu ta barneratu. Ikasi eta gogoratu. Liburua ere sinatu zidan. Txipik nik itzulitako testutxoan nola trabatzen zen ere ikusteko aukera izan genuen eta azkenean e-ghost-eko kamixeta lortzekoa!

20081020339

Mikelentzat, “zerbaitekin”, Lawrence Lessig

Baina eguneko parrerik handienak bazkaltzen bota nituen beste txiokalariekin.

200810173102008101731320081017312200810173112008101731420081017315

Gnome, Teknologia

Ubuntu eta itzulpenak (round 2)

4 iruzkin

Ez da lehen aldia kexatu nahizena Ubuntu eta bere itzulpen sistemaren inguruan. Igaro da ia urte osoa honen inguruan beste artikulu bat idatzi nuenetik, kasu hartan upstream (garapen ofiziala) eta Ubuntu-ren arteko arazoak agertaraziz gnome-terminal paketean.

Gaurkoan beste arazo bati buruz da eta ez dakit zehazki noren errua den, itzultzailearena ala Ubunturen sistemarena. Kasualidadea izango da nire Gentoo eta Debian sistemetan horrelakorik ez agertzea. Irudian ikusi daitekeen moduan Baobab programaren kredituak agertzen diren leihoan itzultzaile zerrenda bat agertzen da, ofizialak eta Launchpad berak gehitutakoak baina fitxan Launchpad erabili duen azken erabiltzailearen izena agertzen da “Itzultzaileak” agertu beharrean. Zer dela eta gertatzen da hori!?



Ubuntu eta kredituen leihoen arazoa oraindik onglets-ak erabiltzen direnean

Gnome, Teknologia

Liferea-ren datubasea optimizatzen

Utzi iruzkina

Liferea jario irakurlea erabiltzen dut nire GNU/Linux makietan (etxean eta lanean), ikusi dudan txukunena da eta laister Google Reader-en euskarria gehitzen diotenean ume txiki bat olentzero etxetik pasa ostean bezain pozik egongo naiz.

Ala ere badu arazo bat aplikazioak. Egunetik egunera denbora gehiago behar du abiarazteko. Garatzailearen eskutik konpontzeko modua azalduko dut, oraingoz eskuz egin beharrekoa.

Lehendabizi begira dezagun fitxategiaren pixua.

du -h $HOME/.liferea_1.4/liferea.db
59M     .liferea_1.4/liferea.db

Ondoren goazen sqlite erabiliz datubasea garbitzera. Hortarako lehenik ITXI liferea eta idatzi terminal batean:

sqlite3 $HOME/.liferea_1.4/liferea.db
SQLite version 3.5.9
Enter ".help" for instructions
sqlite>

Hemen idatzi honakoa eta itxaron apur bat:

 sqlite> VACUUM;

Eta amaitzean:

 sqlite> .exit

Begira dezegun berriz fitxategiak ze tamainu duen

du -h $HOME/.liferea_1.4/liferea.db
40M     .liferea_1.4/liferea.db

Nire kasuan 19M liberatu ditu eta aplikazioa orain segundu pare batean abiarazten da, lehenago segundu dexente behar zituenean.

Orokorra

Atzera begira, deskantsua eta indarberritzea

Utzi iruzkina

Euskal Encounter 16tik oraindik errekuperatu enaizen honetan tita batean hegazkina zai izango dut Portugalera bidaitxo bat egiteko. Zazpi egun Lisboa, Cascais, Estoril eta Sintra ezagutzeko. Konpainia ona eta eguraldia lagun izaten badugu aste interesgarria izango da. Itzuli eta Getariko festak Santa Klarekin jarraitua. Oporretan deskantsua hartu beharrean jo ta su ibiliko naiz beste behin.

Egia esan, hau izango da “benetako” oporretara kanpora joango naizen lehen aldia. Txikitan bidairik ez nuen egin eta batxilergo garaiko bidai bat kenduta oporretarako ez dut beste hegazkinik hartu. Bildur pixkat dudala esan behar, baina eztit inondik ere astelehen goizeko hotzikara sortzen.

Konturatu gabe ia urte bete osoa egin dut Elorrioko bulegoetan lanean. Eroski megaenpresak nola funtzionatzen duen ezagutzeko denbora eta bertako kooperatibismoa zertan datzan ere ezagutzeko parada izan dut, “gure” departamenduan behintzat: Faltsukeria edozein bazterretan eta paper-pasatze postu gehiegi. Lotsagarria.

Urtea pixkat errepasatzen hasita, 2007a oso fruktiferoa izan zen proiektu kopuruan eta hau ere motelago doan arren ez doa gaizki. Joxe Teknopatak proposatu zuen zazpi@2007 lehiaketan parte hartu dudan 3 proiektuk jaso zuten saria adibidez. Proiektuen zerrenda egin nahiean edo (ez dira inondik ere nire lana soilik, argi geratu dadila!):

2008a xuabeago doa neurri batean, nahi adina denbora ez dudalako, baino ez gabiltza geldi.

Oporretatik bueltan beste proiektu batzueikin jarraitu nahiko nuke, ala nola

  • Txaparro – noizbait amaitzeko asmoz.
  • Gentoo GNOME team – git-ek lenago erotzen ez banau…
  • Gentoo Hurd – lanean aspertzen banaiz eta aurrekoak bezala Git-ek erotzen ez banau
  • (ahazten zaidan proiekturen bat)
  • (proiektu ultra sekreturen bat)
  • (txertatu hemen zure proiektua)

Idazteak eta ondoren irakurtzeak nekatu egin nau. Agian ez da horrenbeste baino etzait gutxi iruditzen. Banoa. Abuztu erdirarte erdi deskonektatua ibiliko den baten partetik agurrak! Ondo izan!